«Թվային հմտություններ» դասընթաց

«Թվային հմտություններ» դասընթացը նախատեսված է բոլոր նրանց համար, ովքեր ցանկանում են առավել արդյունավետ և վստահորեն օգտագործել թվային գործիքները՝ աշխատանքում, ուսման ընթացքում կամ անձնական նախագծերում։ 

Դասընթացին կարող են մասնակցել․

• մասնագետներ, ովքեր ցանկանում են բարձրացնել աշխատանքի արդյունավետությունը և արդյունավետորեն կիրառել թվային գործիքներ,
• ուսանողներ և սկսնակ մասնագետներ, ովքեր ուզում են ձեռք բերել գործնական հմտություններ՝ պատրաստվելով ժամանակակից աշխատանքի շուկային,
• ուսուցիչներ, ովքեր ցանկանում են ժամանակակից ձևով կազմակերպել ուսուցման գործընթացը, 
• թիմերի ղեկավարներ, ովքեր ցանկանում են արդյունավետ կազմակերպել աշխատանքը և խնայել ժամանակ, 
•  և բոլոր նրանք, ովքեր ուզում են դառնալ «թվային» իրենց առօրյայում։ 

Դասընթացի ընթացքում կմասնակցեք թե՛ տեսական, թե՛ գործնական սեմինարների․ 

• կհասկանաք, թե ինչ է թվային մտածողությունը և որոնք են 21-րդ դարի հիմնական թվային հմտությունները,
• կսովորեք ինչպես պաշտպանել ձեր անձնական տվյալները և ճիշտ օգտվել մեդիա աղբյուրներից,
• կծանոթանաք թվային աշխատանքի արդյունավետ մեթոդներին՝ սկսած արագ մուտքագրումից ու տաք ստեղներից մինչև օգտակար հավելումներ և գործիքներ,
• կսովորեք աշխատել ամենօրյա ծրագրերի հետ՝ Word, Excel, PowerPoint, Outlook, Google Drive, Calendar, Forms և այլն,
• կծանոթանաք արհեստական բանականության գործիքների կիրառությանը և կսովորեք, թե ինչպես դրանք կարող են օգնել ուսման և աշխատանքի ընթացքում։