Event Management Course

Միջոցառումների կազմակերպման դասընթաց

Դասընթացը միջոցառումների արդյունավետ կազմակերպման և կառավարման վերաբերյալ համապարփակ ծրագիր է, որը կօգնի ձեզ դառնալ մասնագետ այս ոլորտում։ Դասընթացի արդյունքում մանրամասն կուսումնասիրենք միջոցառումների պլանավորման, իրականացման և վերլուծության բոլոր փուլերը՝ սկսած նպատակների սահմանումից մինչև ֆինանսների կառավարում և հաճախորդների հետ աշխատանք։

Միջոցառումների կազմակերպումը կարևոր է ոչ միայն բիզնեսի, այլև սոցիալական, մշակութային և կրթական նախագծերի համար։ Այն պահանջում է համալիր հմտություններ՝ կազմակերպչական, հաղորդակցական, ֆինանսական և մարդկային ռեսուրսների կառավարման։ Այս դասընթացը կզարգացնի այդ հմտությունները և կտա ձեզ գործնական գիտելիքներ՝ հաջող միջոցառումներ իրականացնելու համար։

Ո՞վքեր կարող են մասնակցել դասընթացին

Դասընթացը նախատեսված է բոլոր նրանց համար, ովքեր հետաքրքրված են միջոցառումների կազմակերպման ոլորտով։ Այն կհամապատասխանի՝

• Մասնագիտական աճ փնտրող ուսանողներին և սկսնակ մասնագետներին։
• Մենեջերներին և համակարգողներին, ովքեր ցանկանում են բարելավել իրենց կազմակերպչական հմտությունները։
• Ձեռներեցներին, ովքեր ցանկանում են սովորել, թե ինչպես կազմակերպել և վաճառել իրենց միջոցառումները։
• Կամավորական և հասարակական կազմակերպությունների անդամներին։
   

Դասընթացավար՝ Սաթենիկ Մամիկոնյան

Դասընթացը կվարի Սաթենիկ Մամիկոնյանը, որն ունի հարուստ փորձ միջոցառումների կազմակերպման և նախագծերի կառավարման ոլորտում։ Սաթենիկը եղել է մի շարք թիմ-բիլդինգների, կորպորատիվ և համայնքային միջոցառումների ղեկավար և համակարգող։ Որպես Event Management-ի դասախոս՝ նա համատեղում է տեսական գիտելիքները գործնական փորձի հետ։ Նրա հմտությունները ներառում են բյուջեի կազմում և կառավարում, թիմային աշխատանք, հաղորդակցություն, և միջոցառումների պլանավորում։

 Ի՞նչ կսովորեք այս դասընթացից

Դասընթացի հիմնական առանձնահատկությունը դրա գործնական ուղղվածությունն է։ Դուք կսովորեք ոչ միայն տեսական հիմքերը, այլև կկիրառեք դրանք իրական նախագծի վրա։ Դասընթացի արդյունքում դուք կկազմակերպեք և կիրականացնեք իրական ֆորում` 300 հոգանոց մասնակիցների համար։ Այս պրակտիկան կօգնի ձեզ՝

• Զարգացնել նախագծի պլանավորման և կառավարման հմտություններ։
• Սովորել աշխատել թիմում և հաղթահարել կոնֆլիկտային իրավիճակները։
• Կիրառել թվային գործիքներ՝ միջոցառման արդյունավետ կառավարման համար։
• Հասկանալ միջոցառումների ֆինանսական և իրավական կողմերը։
• Համագործակցել տարբեր մատակարարների և հովանավորների հետ։

Դասընթացը կնպաստի ձեր անձնական և մասնագիտական աճին՝ տալով ձեզ բոլոր անհրաժեշտ գործիքները միջոցառումների ոլորտում հաջողության հասնելու համար։